使用者工具

網站工具


xsden討論區

XsDen討論區

XsDen討論區新人報到

歡迎嚟到XsDen討論區,天南地北,講乜都得,永久非營利嘅自治粵語討論區,註冊無需提供包括電郵在內任何真實資料。

爲減少騷擾行爲,新人預設開啓「只允許我追隨的使用者給我發送聊天訊息」,想pm可以互科或者喺「設定」取消。

(封鎖功能對私訊無效)

新註冊使用者暫時只可以喺「新手區」自由活動及回覆公開分區主題,同時冇正負評權限。 (新人可以喺新手區開po之後同Mod申請轉區,但轉唔轉由Mod個人決定) 需要滿足以下條件入咗「Citizens」,先可以完整使用XsDen嘅功能:

1. 人氣>=10(人氣計算方式:正評數-負評數)

2. 積分>=42(點數計算方式:開新主題 + 4, 回覆 + 1, 收到正評 + 2)

(42 is the answer to life, the universe, and everything…)

(編輯「個人檔案」嘅「網站」、「關於我」、「頭像」、「封面圖片」需人氣>=1,編輯「簽名檔」需人氣>=5)

XsDen嘅規則? 完整嘅規則請睇 XsDen討論區守則,2021-04-1正式生效嘅討論區守則:

1. 禁止支持現實世界中存在嘅、已大規模、系統性實行打壓言論自由、侵犯人權等反人類行爲嘅組織;

2. 禁止通過洗版等方式影響他人正常使用討論區功能;

3. 除非有附加說明,禁止NSFW內容;

4. 各分區可依據站務流程追加守則,如果分區守則與本守則衝突,以分區守則爲準;

5. 正式會員(Citizens)可通過提案制度修改守則內容及挑戰站務處理結果。

喺度再提下一啲新人要留意嘅嘢:

XsDen對「人」同「內容」分開處理,對於內容,「天南地北,講乜都得」,我哋希望可以畀大家法律許可範圍內最大嘅自由。對於人,由社區成員決定,正式會員(Citizens)可以通過正負評、提案等方式選擇社區新成員及決定XsDen未來發展方向。

每個分區都有關於內容嘅規定,唔啱規定嘅內容Mod會轉區(吹水區、新手區嘅限制最少)

C-1007:未經同意,唔可以擴大站內言論嘅可視範圍(PM→公開分區、僅Citi可見分區→公開分區)

XsDen嘅理念:

1. 面向全世界粵語使用者嘅線上討論區;

2. 匿名:XsDen使用定製過嘅NodeBB,註冊無需提供任何真實資料,網站唔會記錄大家嘅ip(如有疑慮,請使用Tor等匿名服務,XsDen開發過程優先考慮用Tor Browser嘅體驗),註冊及上線時間亦唔會顯示。以後XsDen會不斷改進,提供更多保護私隱嘅服務;

3. 自治:XsDen係永久非盈利嘅自治社區,社區管理唔會屈從於任何政府規管及商業利益(爲儘可能保證呢點,Admin團隊同諸位一樣保持匿名),而係基於社區共識。所有正式會員(Citizen),有權利參與XsDen站務管理,決定社區未來發展方向;

4. 自由:除咗「討論區守則」中列明嘅限制內容,講乜都得。使用者言論本身作爲私有領域,就算違反社區規則,都唔會被篡改(轉區、刪除之後自己一樣可以睇到)。NodeBB提供導出個人資料及貼文嘅功能。

點解要有新人/Citizen制度? 因爲XsDen註冊零門檻,唔需要提供任何真實資料,所以需要二級會員制以保證討論質素。XsDen唔希望通過外部其它手段(比如特定email、個人資料、用戶推薦…),而係通過新人行爲本身去選擇正式成員。

新人報到可以令Citizens嘅大家快啲識你:lomore-good: 。 (出於反洗版考慮,新人一旦人氣<0出文將轉入「貼文隊列」)

xsden討論區.txt · 上一次變更: 2021/04/27 09:57 由 xsden-wiki